ERREKLAMAZIOA / KEXA

Agur t'erdi:


Santurtziko SKA-ko bazkide bat naiz eta zuengana jotzen dut pasa den igandean areto nagusian gertatutakoarekin nire egonezina adierazteko.

Nire lagun batekin joan nintzen zinemara aspalditik itxaroten ari ginen filme bat ikustera, hau da: "14 kilómetros". Baina laster konturatu ginen, aretoa ia beteta egonda ere, han zegoen jende gehiena ez zela etorri filma ikusteko, baizik eta arratsalde euritsu batetik ihes egiteko asmorekin. Asteburua izanik, gazte koadrilaz beteta zegoen aretoa eta zarata handia egiten ari ziren. Gure zoritxarrarako filma hasi ondoren iskanbilak ez ziren desagertu, baizik eta areagotu egin ziren. Txisteak eta barreak edonon, oihuka elkarren artean, batzuk jaiki eta eseri, edo joan eta itzuli behin eta berriro, besteak palomitak elkarri botatzen...

Hasieran gure kabuz egoera kontrolatzen saiatu ginen, baina guztiz ezinezkoa zen. Ez ziguten inolako jaramonik egiten eta horrexegatik gelaren arduradunari deitu behar izan genion. Hala ere, berak ezin izan zuen egoera kontrolpean jarri eta hori ikusita, joateko erabakia hartu genuen, nahiko haserretuta.

Nire ustez, han zeuden pertsonen jokabidea onartezina da. Eta gainera ez da bidezkoa (ere) benetako gogoarekin zinemara joaten garenok honelako egoerak jasan behar izatea. Horrexegatik eskatzen dizuet arazo horrentzako konponbide bat aurkitzea, horrelako egoerak berriro errepika ez daitezen etorkizunean.

Adeitasunez agurtzen zaituztet,

XXX

EGUNEROKOA

Ai, Eguneroko, Egunerokotxo maitea, ahoa bitsez betetzen zait koadrilakoek asteburuko plana aipatzen duten bakoitzean. KONTZERTUA! It's only Rock and Roll, but I like it! Bost axola datorren asteleheneko azterketa.  GAZTEA naiz, eta ez badut orain bihurrikeriarik agiten, noiz egingo ditut?

Baina, zorritxarrez, amak ez ditu gauzak nire modu berberean ikusten. Argi geratu zen atzo gauean. Afarian, nire asmoa adierazi nuen bezain laster, ezetz esan zidan. Ia-ia pentsatu barik!
Ezin dut ulertu. Ez al zen bera ere gaztea izan garai batean?
Ez dakit zergatik debekatzen didaten beti gehien gustatzen zaizkidan gauzak egitea! Betidanik horrela gertatu da eta orain berdin gaude...BETI BEZALA! Oraindik gogoan dut nola geratu nintzen  ikasbidaiarik gabe. Eta dena izan zen azken urteotako tutore madarikatu horregatik! Gurasoekin hitz egin izan ez balu, ziur aski ikasbidaiara joaten utziko zidaten...Baina ez! Beti dabiltza betiko rolloarekin... Klasean asko hitz egiten dudala, txarto portatzen naizela, inoiz ez ditudala etxerako lanak eginda eramaten eta abar.

Eta oraingoan ere, berdin! Baina zergatik niri? Zergatik jartzen digute azterketa bat nire ametzetako taldea Donostiara etortzen denean? Eta zergatik deitu egin behar du, justu momentu honetan, irakasle madarikatu horrek nire etxera ? Nazkatuta naukate! Baina... haiek oraindik ez dakitena da nik badaukadala jadanik antolatuta plan bat kontzertu horretara joateko...Laster ikusiko dute!